Protesta në Meksikë, në përvjetorin e zhdukjes së studentëve

Studentë, të moshuar dhe punonjës të shtresës së mesme duke shoqëruar familjarët e 43 studentëve të zhdukur, u mblodhën në Zacalo, sheshin e qytetit dhe selinë e qeverisë për të kërkuar drejtësi për studentët dhe dorëheqjen e presidentit Enrique Pena Nieto.

Dhjetëra mijëra demonstrues marshuan të shtunën në Mexiko Sity për të shënuar përvjetorin e rrëmbimit të 43 studentëve nga një kolegj, raporton agjencia franceze e lajmeve. Familjarët e studentëve, të cilët u zhdukën në qytetin e Iguala-s, udhëhoqën marshimin në ditën të cilën protestuesit e emëruan si "Dita Kombëtare e Indinjatës". Studentë, të moshuar dhe punonjës të shtresës së mesme u mblodhën në Zacalo, sheshin e qytetit dhe selinë e qeverisë për të kërkuar drejtësi për studentët dhe dorëheqjen e presidentit Enrique Pena Nieto. Dy vjet më parë në një ditë si kjo, studentët e ngritën në protesta kundër trafikantëve të drogës dhe në këto protesta dy studentë u vranë nga policia dhe u arrestuan 43 të tjerë. Më pas policia këta 43 studentë i ka dorëzuar tek trafikantët e drogës. Këta të fundit pasi i vranë studentët ata i kanë hedhur në lum.