Ban Ki-moon kërkon të ndihmohet Haiti

Sekretari i përgjithshëm i OKB ka kërkuar reagim të gjithanshëm për të ndihmuar Haitin në katastrofën e shkaktuar nga uragani Matthew.

Sipas agjencisë së lajmeve Reuters, Ban Ki-moon, të hënën ka bërë të ditur se të gjithë duhet të mobilizohen për të ndihmuar ndihma në Haiti. Presidenti i përkohshëm i Hatitit, Jocelerme Privert, tha se vendi i tij rrezikon të futet në “uri të vërtetë” pas “shkatërrimit apokaliptik” që ka shkaktuar uragani Matthew. Ai paralajmëroi se uria mund të përhapet brenda tre ose katër muajsh, nëse situata nuk menaxhohet siç duhet. Komentet e tij vijnë pasi sekretari i përgjithshëm i Kombeve të Bashkuara, Ban Ki-moon, ka bërë thirrje për “reagim masiv” për të ndihmuar Haitin. Uragani Matthew, i kategorisë katër, ka goditur Haitin javën e kaluar, duke shkaktuar vdekjen e rreth 900 njerëzve. Stuhia ka shkatërruar qytete dhe fshatra, përfshirë dhjetëra-mijëra shtëpi, të korra dhe rezerva ushqimore. Privert tha se humbja është “e habitshme” dhe se ushqimet, uji dhe barnat janë menjëherë të nevojshme.