Qeveria angleze investon për tu përballur me sulmet kibernetike

Ministri i financave në Angli njoftoi për një plan prej 1.9 miliard paund, për tu përballur me sulmet kibernetike.

Filip Hamond ministër i financave të Anglisë tha se Londra ka prezantuar një strategji të re sigurie kombëtare në përballje me sulmet kibernetike dhe shtoi se Anglia duhet të kthehet në një vend të sigurt për kryerjen e veprimeve dixhitale. Hamond tha se interneti tashmë është i lidhur me shumë sektorë të shoqërisë dhe për këtë ai është një prej strukturave më të rëndësishme të ekonomisë angleze në të ardhmen. Kohët e fundit autoritetet e sigurisë në Angli kanë paralajmëruar mbi pasojat e sulmeve të hakerëve ndaj rrjeteve ekomomike të vendit dhe sulmeve të organizuara kibernetike.