Putin kërkon masa sigurie shtesë për ambasadat ruse në botë

Presidenti rus, Vladimir Putin ka reaguar pas vrasjes së ambasadorit rus në Ankara, që sipas tij është projektuar për të prishur marrëdhëniet ruso-turke.

Putin ka shtuar gjithashtu se vrasja e Andrey Karlov në kryeqytet turk ka pasur edhe si qëllim prishjen e procesit të paqes në Siri. “Hetuesit rusë kanë filluar hetimet për vrasjen, Rusia dëshiron të dijë se kush e drejtoi dorën e vrasësit”, ka deklaruar ai. Putin ka urdhëruar ambasadat ruse në mbarë botën për të rritur masat e sigurisë dhe ka kërkuar nga Turqia garanci për sigurinë e diplomatëve rusë.