Protesta kundër pranisë së përfaqësuesve të vendeve kredidhënëse në Athinë
Mijëra njerëz mbushën rrugët e Athinës mbrëmë duke protestuar kundër masave të reja shtrënguese që po diskuton qeveria greke dhe huadhënësit europianë ne përpjekje për të konkluduar paketën e re të shpëtimit e cila do të zhbllokonte fondet e reja për vendin.
Reth 2 mijë persona, pjesë e unionit të punëtorëve i lidhur me Partinë Komuniste morën pjesë në demonstratën që u mbajt para hotelit ku ministrat e qeverisë dhe huadhënësit u takuan për të diskutuar reformat që Greqia duhet të ndërmarrë, përfshirë shkurtimet e të ardhurave dhe pensioneve. “Askush nuk mund të jetojë në 2017 me kushtet e jetesës së ngjashme me një epokë paslufte. Nuk është e drejtë të kemi fëmijë në shkollat tona që vuajnë nga urie. Nuk është e drejtë të ketë mensa falas për popullin sikur jemi në luftë apo nën pushtim”, thotë Elsa Stameli protestuese. Athina dhe shefat e misionit që përfaqësojnë vendet e eurozonës dhe Fondin Monetar Ndërkombëtar rifilluan rishikimin e programit të reformave të vendit të martën.
