Koreja e Veriut paralajmëron Amerikën: Jemi gati për luftë

Koreja e Veriut ka thënë se është gati për luftë pasi SHBA dislokuan një grup goditës të Flotës detare në Gadishullin Korean.

Pheniani të martën ka dhënë reagimin e tij të parë për lëvizjet e Uashingtonit dhe denoncoi me forcë praninë e grupit të luftanijeve amerikane si dhe u zotua për të mbrojtur veten “me një forcë të fuqishme të armëve." Të shtunën, një grup aeroplanmbajtësesh amerikane u drejtua për në Gadishullin Korean mes frikës në rritje nga testet e armëve atomike të Koresë së Veriut. " Vlen të theksohet se lëvizja e pamatur e SHBA për pushtimin e DPRK ka arritur në një fazë serioze," citoi agjencia shtetërore e lajmeve KCNA një zëdhënës të Ministrisë së Jashtme të Koresë Veriore. Ky zëdhënës ka thënë: "Ne do të kundërveprojmë ashpër kundër provokatorëve,  për të mbrojtur veten me forcë të fuqishme të armëve".