Protesta kundër Trump në Ditën e Punëtorëve
Qindra qytetarë amerikanë janë tubuar përballë Shtëpisë së Bardhë në Uashington me rastin e Ditës Ndërkombëtare të Punëtorëve, ku kanë protestuar ndaj politikave të presidentit amerikan Donald Trump.
Siç bën të ditur agjencia e lajmeve IRIB, me rastin e 1 Majit, Ditës Ndërkombëtare të Punëtorëve, qindra përfaqësues të shtresës së punëtorëve u tubuan përballë Shtëpisë së bardhë duke mbajtur parulla ku shkruhej: “Rezistoni përballë Trump-it”, “Merrni taksa nga të pasurit” dhe “Punëtorë bashkohuni”. Protestuesit mbanin në duar flamurin amerikan ku në vend të 50 yjeve ishte vendosur simboli i një kompanie shumëkombëshe. Punëtorët dënuan politikat e Donald Trump kundër emigrantëve si dhe dekretin e tij për ndalimin e hyrjes në SHBA të shtetasve nga gjashtë vende myslimane. Ata theksuan se presidenti Donald Trump përfaqëson dhe mbron vetëm interesat e shtresës së pasur dhe injoron klasën punëtore në SHBA.
