Evropianët kritikojnë presidentin Turk
Presidenti i Turqisë është përballur me ankesat e autoriteteve të Francës dhe Gjermanisë gjatë samitit të Brukselit
Gazeta amerikane Uashington Post shkruan se Emanuel Makron president i Francës dhe Angela Merkel kancelare e Gjermanisë në kuadër të samitit të NATO-s në Bruksel kanë kritikuar presidentin Rexhep Taip Erdogan për shkak të arrestimit të shtetasve francezë dhe gjermanë në Turqi. më herët në Turqi u arrestua Mathia Depardon gazetar dhe fotograf francez i cili punonte për agjencinë National Geografik. Ai u arrestua në fillim të Majit dhe në shenjë proteste ndaj këtij vendimi është futur në grevë urie. Në kuadër të samitit të NATO-s Erdogan u takua edhe me Angela Merkel e cila lidhur me tensionimin e marrëdhënieve bilaterale tha se Berlini gjithmonë është sulmuar nga Ankaraja dhe kjo ka tensionuar marrëdhëniet bilaterale. Merkel gjithashtu kërkoi lirimin e gazetarit gjerman Deniz Yucel i arrestuar një vit më parë në Turqi. Vlen të theksohet se marrëdhëniet mes Ankarasë dhe Brukselit janë tensionuar që nga koha e arrestimeve të gjera në Turqi pas dështimit të grushtit të shtetit në këtë vend.
