“Koreja e Veriut duhet të sanksionohet edhe më shumë”

Kryetari i Këshillit Evropian dhe kryeministri japonez kanë kërkuar shtimin e sanksioneve kundër Koresë së Veriut.

Sipas agjencisë franceze të lajmeve, Donald Tusk, kryetar i Këshillit Evropian dhe Shinzo Abe, kryeministër i Japonisë, të enjten në një konferencë të përbashkët për media në Bruksel, kanë theksuar për ndërmarrjen e veprimeve më të ashpra sanksionuese në transportimin e mallrave dhe teknologjisë në Korenë e Veriut. Koreja e Veriut të martën ka testuar një raketë balistike nga anijet e vendosura në kufi me  Kinën dhe ka goditur në drejtim të Japonisë.