Rusia urdhëron pakësimin e stafit të ambasadës së SHBA në Moskë

Moska i ka kërkuar Shteteve të Bashkuara që të zvogëlojnë stafin diplomatik në Rusi deri në 455 persona dhe po ndalon gjithashtu përdorimin e ambienteve të magazinimit, sipas Ministrisë së Jashtme ruse.

Masa e hakmarrjes vjen pasi Kongresi amerikan ka miratuar sanksionet e reja kundër Rusisë. “Pala ruse po pezullon përdorimin e të gjitha objekteve të magazinimit në Rrugën Dorozhnaya në Moskë dhe një vilë në Serebryaniy Bor nga Ambasada e SHBA në Rusi që nga 1 gushti”, tha ministria në një deklaratë.