Morales paralajmëron një sulm të Amerikës në Venezuelë

Presidenti i Bolivisë, Evo Morales ka paralajmëruar për një sulm të mundshëm të Amerikës në Venezuelë.

Si shkak për këtë deklaratë janë bërë zgjedhjet e fundit në Venezuelë. Këtë të dielë, venezuelasit votojnë për trupën më të lartë kushtetuese në vend, që pritet t’u japë fuqi të reja zyrtarëve në pushtet të Partisë Socialiste, e me shumë gjasa do të zgjerojnë regjimin e tyre jopopullor në kombin e OPEC-ut të pllakosur nga skamja. Presidenti Nicolas Maduro, ndaj të cilit ka një pakënaqësi të gjerë për shkak të drejtimit që po i jep ekonomisë së shthurur venezuelase, ka premtuar se Asambleja e re Kombëtare do të sjellë paqen pas protestave 4-mujore të opozitës, gjatë të cilave janë vrarë mbi 115 persona. Partitë opozitare kanë bojkotuar ato që i quajnë si zgjedhje të manipuluara, ndërsa simpatizantë të tyre kanë planifikuar demonstrata anembanë vendit gjatë ditës së sotme, duke shtuar sërish perspektivën e përleshjeve të dhunshme me forcat e sigurisë. Kritikët thonë se Asambleja do t’i lejojë Maduros të shpërbëjë Kongresin e kontrolluar nga opozita, të shtyjë zgjedhjet e ardhshme parlamentare dhe të rishkruajë Kodin Zgjedhor për të ndaluar mposhtjen me votë të socialistëve.