Lavrov: Brukseli nuk e shoqëron qasjen anti-ruse të Uashingtonit
Ministri i jashtëm i Rusisë ka paralajmëruar Bashkimin Evropian që të vazhdojë të qëndrojë në qëndrimet anti-ruse.
Sipas agjencisë së lajmeve IRNA, ministri i jashtëm rus, Sergei Lavrov, tha në një intervistë me gazetën qipriote Simorgini, se ai shpreson që Bashkimi Evropian nuk ndjek vendet që janë në armiqësi me Rusinë dhe do të ndërtojë së shpejti marrëdhënie të mira me Moskën. Lavrov theksoi se veprimet e Bashkimit Evropian në sanksionet e vendosura kundër Rusisë, të mbështetura nga SHBA, kanë dëmtuar seriozisht marrëdhëniet ruso-evropiane. Ministri i jashtëm i Rusisë shtoi se Moska është në dijeni të pakënaqësisë në rritje të qarqeve tregtare të BE-së me statusin aktual të marrëdhënieve Rusi-BE. Lavrov shprehu shpresën se Bashkimi Evropian do të braktisë politikën e tij kundër Rusisë dhe do të ndjekë rrugën e bashkëpunimit. Bashkimi Evropian ka imponuar një sërë sanksionesh ekonomike dhe financiare kundër Rusisë në ndjekje të politikave të SHBA që nga viti 2014 për krizën në Ukrainë dhe aneksimin e Krimesë nga Rusia në bazë të një referendumi të zhvilluar nga qytetarët e Krimesë. Bashkimi Evropian javën e kaluar rinovoi sanksionet deri më 31 korrik 2018.
