Ligjvënësit evropianë dënojnë agresionin ushtarak të Turqisë ndaj Sirisë

Ligjvënësit e Bashkimit Evropian kanë dënuar agresionin ushtarak të Turqisë në veri të Sirisë.

Kanali televiziv Russia Today njoftoi se deputetët e Parlamentit Evropian të premten në takimin e tyre kanë dënuar agresionin ushtarak të Turqisë në veri të Sirisë si dhe arrestimin e qindra personave në Turqi për shkak të kritikave që kanë bërë ndaj këtij agresioni. Ligjvënësit e Bashkimit Evropian kanë miratuar një projektligj me qëllim inkurajimin e përpjekjeve për anulimin e gjendjes së jashtëzakonshme në Turqi pas grusht shtetit të pasuksesshëm të vitit 2016 dhe kanë deklaruar se shpallja e gjendjes së jashtëzakonshme në Turqi është bërë për të heshtur kundërshtimet ligjore dhe paqësore ndaj qeverisë. Deputetët e Parlamentit të Evropës gjithashtu kanë pohuar se dhënia e ndihmave financiare për Turqinë për të ndihmuar procesin e anëtarësimit në BE, duhet të kushtëzohen me përmirësimin e gjendjes së të drejtave të njeriut, proceseve demokratike dhe sundimit të ligjit në këtë vend. Turqia dhe Bashkimi Evropian në vitin 2005 kanë filluar negociatat për anëtarësimin e këtij vendi në BE. Megjithëkëtë marrëdhëniet e Bashkimit Evropian dhe Turqisë janë reduktuar në nivelin më të ulët pasi Turqia nuk lejoi autoritetet e Gjermanisë që të vizitojnë bazën ushtarake të NATO-s në Turqi dhe pasi autoritetet turke arrestuan disa shtetas gjermanë.