Sanksione të reja amerikane ndaj Rusisë për përkrahjen e Asadit

Ambasadorja e SHBA në OKB, Nikki Haley tha për rrjetin televiziv amerikan CBS se Uashingtoni po përgatiste sanksione të reja mbi Rusinë lidhur me mbështetjen e Moskës ndaj qeverisë siriane, duke shtuar se sanksione do të shpalleshin të hënën.

Sipas saj, kufizimet e reja do të ndikojnë mbi kompanitë që thuhet se "kanë të bëjnë me pajisjet ushtarake të qeverisë së Asadit dhe me çdo përdorim të armëve kimike". Më parë, zëdhënësja e Shtëpisë së Bardhë tha se nuk kishte asnjë shenjë se sanksionet e reja të SHBA kundër Rusisë ishin për shkak të çështjes siriane.