Takimi i ardhshëm i Donald Trump dhe Kim Jung Un
Presidenti i SHBA, Donald Trump njoftoi se takimi me udhëheqësin e Koresë së Veriut Kim Jong Un do të mbahet më 12 qershor në Singapor. Njoftimi vjen pasi zoti Trump priti personalisht tre amerikanë të liruar që u kthyen të enjten në mëngjes nga Koreja e Veriut.
Kjo është hera e parë që një president i SHBA-së do të takohet me një kryetar shteti të Koresë së Veriut, duke shënuar një kthesë të jashtëzakonshme në marrëdhëniet mes dy vendeve që nga viti i kaluar, kur kombet dukeshin se ishin në prag të konfliktit. Presidenti Trump e zbuloi datën dhe vendndodhjen e takimit të parashikuar në një postim në Twitter të enjten në mëngjes. Njoftimi i Trump erdhi pas lirimit të tre të burgosurve amerikanë nga Koreja e Veriut. Vendimi për të mbajtur takimin në Singapor, një shtet i pavarur i Azisë Jugore rreth katër herë më i madh se Uashingtoni, D.C., kishte kuptim për ekspertët e politikës së jashtme. Trump kishte hedhur më parë idenë e mbajtjes së takimit në Zonën e Demilitarizuar, ose DMZ, që ndan Korenë Veriore dhe Jugore. Muajin e kaluar, Kim dhe Presidenti i Koresë së Jugut Moon Jae-in u takuan në kufirin e vendeve në DMZ para se të hynin në tokën e Koresë së Jugut për takimin e tyre.
