India injoron paralajmërimin amerikan

Përkundër paralajmërimit të SHBA për marrëveshje me Moskën, Ministria e Mbrojtjes e Indisë ka në plan të miratojë blerjen e pesë sistemeve raketore S-400 nga Rusia.

Zyrtarët nga Ministria e Mbrojtjes e Indisë kanë thënë se nuk ka marrë udhëzime nga qeveria e Indisë për të ndaluar blerjen e pesë sistemeve raketore S 400 me vlerë 5.5 miliardë dollarë nga Rusia. Autoritetet indiane kanë njoftuar se Komiteti i Sigurisë i qeverisë, i kryesuar nga kryeministri Narendra Moody, do të marrë vendimin përfundimtar për këtë çështje. Ministria e Mbrojtjes e Indisë është e mendimit se nëse India tërhiqet në këtë fazë të marrëveshjes me Rusinë, Moska mund t’i shesë këtë sistem raketor Kinës dhe Pakistanit.