Putin fton Kim Jong Un në Kremlin

Presidenti rus Vladimir Putin ka ftuar udhëheqësin koreanoverior Kim Jong Un në Rusi, për të marrë pjesë në një forum global që mbahet në Rusi.

Zëdhënësi i Presidencës Ruse, Dmitry Peskov u tha gazetarëve në Moskë, se Presidenti Putin ia kishte dërguar ftesën Kim Jong Un-it me Ministrin e Jashtëm rus Sergei Lavrov, gjatë vizitës së këtij të fundit në Penian javën e kaluar. Zëdhënësi i Kremlinit tha se Putin e kishte ftuar udhëheqësin koreanoverior të merrte pjesë në Forumin Ekonomik të vendeve të Lindjes së Largët, që është në plan të mbahet në qytetin port Vladivostok në muajin shtator.