Arrestohen  25 anëtarë të PKK në Turqi

25 anëtarë të Partisë së Punëtorëve të Kurdistanit (PKK) u arrestuan të enjten nga forcat turke të sigurisë në provincën Shirnak.

Agjencia e lajmeve Anatoli  raporton se një numër i madh i pajisjeve ushtarake, armatimeve dhe pajisjeve digjitale janë konfiskuar në inspektimin e shtëpive të të arrestuarve. Ndërkohë, mediat turke njoftuan se një ushtar turk u vra dhe katër të tjerë u plagosën rëndë pas një sulmi të PKK në bazën ushtarake turke Zangil-Tape.