Italia do të bllokojë samitin e BE!

"Italia e gatshme të bllokojë konkluzionet përfundimtare në samitin e 28-29 qershorit në Bruksel në rast se në tekstin përfundimtar të tij nuk shtohet koncepti i solidaritetit të përbashkët të 28 vendeve anëtare në operacionet e kërkim shpëtimit të emigrantëve".

Kjo është deklarata e bërë të mërkurën në Parlamentin italian nga kryeministri Conte pak orë para samitit të rëndësishëm të BE, ku ka prezantuar para parlamentarëve propozimin e Italisë mbi çështjen e emigrantëve duke nënvizuar se vetëm 7% e emigrantëve që duan të mbërrijnë në Evropë kanë të drejtën e marrjes së statusit të refugjatit.