Shoigu: Rusia brenda 3 viteve prodhon 2 raketa të reja

Ministri i mbrojtjes së Rusisë në reagim ndaj daljes së Amerikës nga traktati për ndalimin e raketave bërthamore me rreze të mesme veprimi, ka bërë të ditur prodhimin e 2 raketave të reja brenda më pak se 3 viteve.

Sipas medias ruse "Rianovovesti", Sergei Shoigu, ministri i mbrojtjes së Rusisë, thotë se ky vend para vitit 2021 duhet të prodhojë një raketë të re kruz dhe gjithashtu një raketë të re supersonike në mënyrë që ky veprim të jetë kundërpërgjigje ndaj daljes së Amerikës nga traktati i armëve bërthamore INF.

Sipas kësaj media ruse, Shoigu ka urdhëruar ushtrinë e këtij vendi që të fillojë punën për prodhimin e këtyre 2 raketave të reja.