Gjermania kërkon dënimin e elementëve të ISIS
Ministrja e mbrojtjes e Gjermanisë në një intervistë për gazetën Bildt ka theksuar domosdoshmërinë e kthimit të terroristëve gjermanë nga Siria dhe dënimin e tyre.
Ursula Von Der Leyen tha se ne si shtetas të Gjermanisë kemi përgjegjës që terroristët t’i kthejmë në Gjermani dhe t’i gjykojmë këtu. Më herët Heiko Mass ministër i jashtëm i Gjermanisë ka shprehur shqetësimin nga mundësia e kthimit të anëtarëve evropianë të ISIS në vendet e tyre. Duke iu përgjigjur kërkesës së presidentit Donald Trump, ministri i jashtëm i Gjermanisë ka thënë se pranimi i këtyre personave do të jetë shumë e vështirë. Donald Trump u ka kërkuar vendeve të Bashkimit Evropian të marrë mbrapsht 800 luftëtarët e ISIS-it që kishin shkuar në Siri prej këtyre vendeve, e që u kapën nga forcat e mbështetura prej Shteteve të Bashkuara, për t’i nxjerrë më pas ata përpara gjykatave. Shtetet e Bashkuara u kërkojnë Britanisë, Francës, Gjermanisë dhe aleatëve të tjerë evropiane të marrin mbrapsht mbi 800 luftëtarët e ISIS-it të kapur në Siri, për t’i nxjerrë para drejtësisë. Kalifati është duke rënë. Alternativa tjetër nuk është e mirë, pasi ne do të detyroheshim t’i lironim ata. SHBA nuk duan t’i shohin këta luftëtarë të depërtojnë sërish në Evropë, pikërisht atje ku ata duan të shkojnë. Ne kemi bërë shumë, kemi shpenzuar shumë. Ka ardhur koha për të tjerët që të ngrihen e të bëjnë punën e tyre, për të cilën janë po ashtu të aftë.”, shkroi Trump në Twitter.
