200 trupa ushtarake të Amerikës do të mbesin në Siri
Qeveria e Amerika ka deklaruar se pas largimit të forcave ushtarake të këtij vendit nga Siria, 200 trupa amerikane nën emrin e forcave paqeruajtëse do të mbesin në Siri.
Agjencia e lajmeve Reuters njoftoi se Sarah Sanders, zëdhënësja e Shtëpisë së Bardhë, në një deklaratë për media, ka deklaruar se një grup i vogël i forcave amerikane i përbërë nga 200 trupa do të qëndrojnë edhe për një periudhë tjetër në Siri.
Donald Trump, presidenti i Amerikës, në dhjetor të vitit 2018, duke arsyetuar se ISIS është shpartalluar në Siri, ka deklaruar se 2000 trupa amerikane do të largohen nga territori i Sirisë.
Tani Shtëpia e Bardhë pas bisedës telefonike mes Donald Trump dhe Rexhep Taip Erdogan në lidhje me largimin e forcave ushtarake amerikane nga Siria në përputhje me interesat e Uashingtonit dhe Ankarasë, ka filluar të ndjek një qasje të re në lidhje me këtë çështje.
Sarah Sanders në deklaratën e saj shtoi se Turqia me forcat demokratike të Sirisë të cilat e kanë ndihmuar Amerikën në luftën kundër terroristëve të ISIS, nuk do të hyjë në konflikt.
