Senati kërkon ndalimin e mbështetjes amerikane për luftën në Jemen

Senati i SHBA ka kritikuar edhe njëherë Presidentin Donald Trump për politikën e tij kundrejt Riadit duke miratuar një rezolutë që synon t'i japë fund mbështetjes së Uashingtonit për koalicionin e udhëhequr nga Arabia Saudite në luftën shkatërrimtare që ka zhvilluar në Jemen që nga viti 2015.

Senati i udhëhequr nga republikanët miratoi të mërkurën një rezolutë me një numër votash 54-46, duke kërkuar të ndalet çdo përfshirje ushtarake amerikane në konfliktin në Jemen pa autorizimin e Kongresit, duke përfshirë sigurimin e mbështetjes logjistike për sulmet ajrore saudite. E prezantuar nga senatorët Bernie Sanders, Mike Lee dhe Chris Murphy, rezoluta do të reduktojë rolin e SHBA-së dhe ndihmën ushtarake amerikane për luftën saudite ndaj Jemenit në prag të përvjetorit të katërt të agresionit të Arabisë Saudite kundër Jemenit. Bernie Sanders, e ka quajtur luftën saudite në Jemen një katastrofë humanitare dhe strategjike.