Arabia Saudite intrigon ndaj Turqisë

Nënkryetari i partisë në pushtet AKP në Turqi tha se vendi i tij e sheh me pesimizëm udhëtimin e Ministrit të Jashtëm Saudit në Qipron Jugore, me shumicë greke.

Ministri i Jashtëm saudit Ibrahim Abdulaziz al-Assaf vizitoi administratën greke në Qipron Jugore dhe u takua me homologun e tij Nikos Christodulides. "Kjo nuk është një vizitë që mund të injorohet. Arabia Saudite është një vend i pavarur dhe prandaj mund të ketë kontakte me të gjitha vendet që dëshiron dhe të vendosë të gjitha marrëdhëniet sipas zgjedhjes së saj. Por pozita specifike e dy vendeve dhe deklaratat e bëra gjatë këtij udhëtimi tregojnë qartë se kjo vizitë ka për qëllim direkt Turqinë dhe synon të dërgojë një mesazh në Turqi ", tha Yasin Aktay, nënkryetar i partisë në pushtet në Turqi, përpara se të shtonte: Riadi nuk mund të shkaktojë ndonjë paragjykim ndaj Turqisë ose të sjellë ndonjë përfitim për administratën greke qipriote. Sidoqoftë, është e qartë se shqetësimi këtu është të specifikohet se në cilin kamp renditen sauditët. Megjithatë, ata kanë më shumë për të humbur, sesa të fitojnë në këtë biznes. "