SHBA kërcënon Turqinë me "veprim të menjëhershëm mbrojtës"

Shtetet e Bashkuara kanë kërcënuar të ndërmarrin një "veprim të menjëhershëm mbrojtës" pasi një kontigjent i forcave amerikane u rrezikua nga granatimet turke në veri të Sirisë.

Pentagoni tha se trupat amerikane pranë qytetit të populluar me kurdë Kobani, i njohur si Ejn al-Arab, u vunë nën zjarr artilerie nga pozicionet turke. Zëdhënësi i Pentagonit, Kapiteni i Marinës, Brook DeWalt tha se shpërthimi ndodhi brenda disa qindra metrave të një zone "e cila është e njohur nga turqit të cilët e dinë se  aty forcat amerikane janë të pranishme". "Shtetet e Bashkuara mbeten kundër lëvizjes ushtarake turke në Siri dhe veçanërisht objekteve të operacioneve turke jashtë zonës së Mekanizmit të Sigurisë dhe në zonat ku turqit e dinë që forcat amerikane janë të pranishme," tha ai. "SHBA kërkon që Turqia të shmangë veprimet që mund të rezultojnë në veprim të menjëhershëm mbrojtës." Ministria turke e mbrojtjes, megjithatë, tha se zjarri i artilerisë nuk kishte për qëllim ushtarët amerikanë, por "pozicione terroriste" në një akt të "vetëmbrojtjes".