Të burgosurit politikë të regjimit të Macronit

Përkundër sfondit të informacioneve të tmerrshme që vijnë nga jugu i Emirateve, ku kompania franceze Total kishte hapur dyert e objekteve të saj për torturuesit  emiratas për të torturuar të burgosurit jemenas, gazeta franceze Le Monde botoi në 8 nëntor një raport për numrin e francezëve që tani duhet të klasifikohen nën etiketën "të burgosur politikë".

Ndërsa është e vërtetë që Le Monde nuk është një medium mjaftueshëm i besueshëm për të kritikuar veprimin e qeverisë, fakti që këto shifra jepen nga ky medium është tregues i faktit se shtresa e ulët dhe e mesme e shoqërisë franceze ka arritur ta bëjë zërin e saj të dëgjohet, megjithë censurën e rreptë të mediave. Sipas Le Monde, megjithëse ekziston një tendencë për të mbivlerësuar shifrat zyrtare, rreth 10,000 protestues francezë ndodhen në paraburgim, pritet të jepen rreth 3,100 dënime dhe mbi 400 protestues tashmë janë burgosur nga shteti francez që prej fillimit të revoltës. Gazeta franceze nuk llogarit të vdekurit dhe të plagosurit në protestat e jelekverdhëve që tashmë kanë mbushur vitin. Prej një viti, Franca është një vend ku ka të burgosur politikë, mediat e të cilit nuk flasin, as për numrin e tyre dhe as për kushtet e paraburgimit të tyre dhe aq më pak për pasojat që paraburgimi do të ketë në jetën e tyre. Është ironike që regjimi i Macronit ende nuk pushon së dhëni leksione nëpër botë mbi "demokracinë dhe të drejtat e njeriut".