Turqia do të riatdhesojë 11 ish luftëtarë të ISIS në Francë

Ashtu siç kishte kërcënuar, Turqia ka filluar kthimin e terroristëve të ISIS në Evropë. Bëhet fjalë për tetë gjermanë, dy irlandezë, 11 francezë dhe një danez, simpatizantë apo luftëtarë të ISIS.

Ndërkohë që është dëbuar tashmë një luftëtar i ISIS, nga Shtetet e Bashkuara të Amerikës. Ishte ministri i Brendshëm turk, Sulejman Sojlu ai që i paralajmëroi dëbimet, ditë më parë. “Nuk jemi hotel për askënd”, tha javën e kaluar Soylu. Ndërkohë, të martën Ministri i Brendshëm i Francës deklaroi se do të riatdhesojë 11 xhihadistë të cilët u deportuan nga Ankaraja një ditë më parë.Franca, e cila ka mbajtur 400-500 shtetas në Sirinë veriore të kontrolluara nga kurdët, përfshirë 60 xhihadistë, tha që nuk do kthejë mbrapa persona të lidhur me  ISIS në Siri.Ministri kërkon të nënshkruajë një marrëveshje me Irakun në mënyrë që Bagdadi të ndjekë penalisht francezët në Siri. Megjithatë, nën marrëveshjen e vitit 2014 me Turqinë, shtetasit francezë të arrestuar nga autoritetet turke u ekstraduan përsëri në Francë.Rreth 250 francezë janë riatdhesuar në sistem që nga viti 2014, shpjegoi Castaner.