Mbreti i Marokut nuk pranoi të takohet me Pompeon

Mbreti maroken Muhamedi i VI-të ka refuzuar kërkesën për t’u takuar me Mike Pompeo, sekretarin amerikan të shtetit.

Kanali televiziv Russia Today në gjuhën arabe njoftoi se sekretari amerikan i shtetit ditën e enjte ka shkuar në Rabat, kryeqytetin e Marokut dhe është takuar me Sa’dudin Al-Othmani, kryeministër dhe Abdulatif Hamushi, drejtor i përgjithshëm i sigurisë kombëtare të Marokut.

Sipas këtij burimi, sekretari amerikan i shtetit kishte kërkuar të takohej edhe me mbretin e Marokut, mirëpo Pompeo nuk mundi të takohet me mbretin maroken.

Gjatë kësaj vizite nuk është organizuar as ceremonia e zakonshme e darkës.

Gjithashtu sekretari amerikan i shtetit dhe ministri i jashtëm i Marokut, Naser Burita, kanë anuluar edhe konferencën e përbashkët për shtyp.