Cili është vrasësi i S-400?
Në Siri, SHBA dhe Izraeli kanë kërkuar furishëm të "verbojnë" sistemin raketor rus S-400, dhe kjo që nga viti 2013 ...
Deri më tani, as SHBA dhe as Izraeli nuk kanë mundur të arrijnë këtë qëllim. Tani amerikanët thonë se kanë gjetur antidotin: raketën tokë-tokë PSM. Sipas faqes së internetit Breaking Defense, sekretari amerikan i mbrojtjes, Mark Esper, deklaroi se SHBA "do të ndjekin plotësisht zhvillimin e raketave konvencionale tokë-tokë. "Këto programe për sistemet e raketave balistike konvencionale të lëvizshme të lëshuara nga toka janë në fillimet e tyre", shtoi shefi i Pentagonit. Kështu, programi PSM [Precision Strike Missile], i cili synon të zëvendësojë raketën taktike balistike MGM-140 ATCAMS të sistemit të artilerisë HIMARS, mund të rishikohet për të rritur rrezen e saj të veprimit, e vendosur aktualisht në 500 km, tha gjeneral brigade John Rafferty. Kjo është thjesht "raketa bazë", tha Gjeneral Rafferty, e cila është planifikuar të hyjë në shërbim në vitin 2023 - katër vjet më herët se afati fillestar i programuar për në vitin 2027. Përditësimi i planifikuar, në vitin 2025, do t'u shtojë raketave PSM mundësinë për të interceptuar dhe shkatërruar objektivat lëvizës bazuar në emetimet e tyre në radiovalë dhe radarë.
