Zëvendësdrejtori i CIA-s: Do të ketë amerikanë të vdekur

Zëvendësdrejtori i CIA-s Michael Morell ka thënë se vendimi i Presidentit amerikan Donald Trump për vrasjen e gjeneralit iranian Kasem Soleimani do të çojë në "amerikanë të vdekur".

Morell i tha CBS News se sulmi vdekjeprurës amerikan do të shkaktojë një përgjigje të ashpër nga Republika Islamike e Iranit, duke thënë se Shtetet e Bashkuara do të duhet të paguajnë "një çmim shumë të lartë" për vrasjen e gjeneral Soleimanit. "Së pari, do të ketë amerikanë të vdekur, civilë të vdekur amerikanë, si rezultat i kësaj," tha Morell. Ai shtoi se amerikanët nuk janë më të sigurt në Irak, Liban, Bahrejn dhe vende të tjera në Lindjen e Mesme. Morell shtoi se vrasja e gjeneral Soleimanit përcakton një "precedent që zyrtarët e lartë tani janë direkt në lojë në këtë skenar hibrid, ende jo real të luftës". "Në një kohë dhe vend të zgjedhur prej tyre, ata do të kryejnë një sulm që "vret një zyrtar të lartë amerikan", deklaroi Zëvendësdrejtori i CIA-s Michael Morell. "Dhe kjo është arsyeja pse administrata Bush dhe administrata Obama zgjodhën të mos bëjnë diçka të tillë," shtoi ai.