Prodhohet medikamenti kundër virusit Korona në Kinë
Ministri i shëndetësisë së Kinës me anë të një deklarate, ka njoftuar për prodhimin e medikamentit kundër virusit Korona në Kinë.
Agjencia e lajmeve IRIB njoftoi se ministri i shëndetësisë së Kinës në këtë deklaratë, vuri në dukje se medikamenti aktualisht po kalon fazat finale të testimit, tha: "Në orët e ardhshme medikamenti në fjalë do të vendoset falas në dispozicion të personave të infektuar".
Një infermiere që trajton të sëmurët në Wuhan thotë se 90,000 janë prekur tashmë nga koronavirusi në Kinë – një shifër kjo shumë më e lartë se ajo zyrtarja e lëshuar prej qeverisë në Pekin, e cila flet për vetëm 1.975 të infektuar.
Pohimet e infermieres vijnë në kohën kur autoritetet kineze janë përballur me akuzat se po censurojnë informacionet mbi sëmundjen me shpresën të minimizojnë në opinion përmasat e krizës. Nga Kina, virusi i ngjashëm me Sars-in që ka marrë 56 jetë njerëzish, është përhapur në pjesë të ndryshme të botës. Duke folur një video të postuar online, infermierja me fytyrën të mbuluar nga një maskë kirurgjikale thotë:
“Unë ndodhem në zonën ku u shfaq më së pari koronavirusi dhe jam këtu për të thënë të vërtetën. Në këtë moment, në provincën e Hubeiit, që përfshinë zonën e Wuhanit, e madje dhe në pjesë të tjera të Kinës, janë 90,000 njerëz të infektuar nga koronavirusi”, është shprehur ajo. Edhe pse Kina fillimisht i lavdërua për transparencën e saj në menaxhimin e situatës, tani pretendohet se zyrtarët vendas po kontrollojnë internetin dhe po fshijnë prej aty videot që tregojnë shkallën e vërtetë të përhapjes së virusit. Presidenti Xi Jinping, tha se vendi po përballet me një situatë të rëndë, e mbajti një mbledhje urgjente kabineti ku u diskutuan masat që duhen marrë për të luftuar përhapjen e virusit. Mjekët heronj që po merren më të sëmurat në Kinë thonë se janë të dërrmuar. Disa kanë plagë në fytyrë dhe lëkurë për shkak të maskave dhe veshjeve të posaçme që duhet të mbajnë, ndërsa punojnë me turne të gjata, e madje për shkak të kostumeve të posaçme, kanë vështirësi edhe për të përdoruar tualetin, ndërsa shpesh nuk i del koha as për të ngrënë.
