Rrëzohet avioni ushtarak amerikan, vriten të gjithë personat në bord

Konfuzioni është total në Afganistan. A janë pajisur forcat anti-amerikane në Afganistan me njësi anti-ajrore të afta për të rrëzuar një avion ushtarak amerikan? Kjo është ajo që duket se ka ndodhur.

Ndërsa rreth mesditës, agjensitë e lajmeve raportuan rrëzimin e një aeroplani që i përkiste kompanisë Ariana Afganistan Airlines, informacioni u mohua së shpejti nga kompania dhe u korrigjua nga zëdhënësi i Ministrisë së Mbrojtjes së Afganistanit, Ruhullah Ahmadzai. Sidoqoftë, ai nuk mundi të bindte autoritetet, sepse asnjë aeroplan civil nuk kishte fluturuar, në orën e lartpërmendur, në qiellin e Ghaznit, ku avioni u rrëzua. Dhe të themi se avioni ushtarak në fjalë, një E-11A, është një bombardues i specializuar në luftën kibernetike dhe se transportonte gati njëqind ushtarë dhe oficerë të inteligjencës së CIA-s. Pas një heshtje të gjatë, Pentagoni konfirmoi lajmet dhe talibanët thonë se ata kanë mbetjet e aeroplanit në zotërimin e tyre. Sipas lajmeve të fundit, talibanët sapo kanë marrë përgjegjësinë për sulmin i cili, duke marrë parasysh pamjet, mund të ishte kryer vetëm duke përdorur raketa. Është një aeroplan ushtarak amerikan, sipas talibanëve. Zëdhënësi i Talibanëve Zabihullah Muxhahid ka marrë zyrtarisht përgjegjësi për rrëzimin e aeroplanit spiun amerikan. Ai tha që oficerët e nivelit të lartë të CIA ishin në aeroplanin e rrëzuar. Një video e parë e rrëzimit të një aeroplani të Forcave Ajrore të SHBA në rajonin Ghazni të Afganistanit tregon se është me të vërtetë një bombardues E-11A i ushtrisë amerikane. Ushtria amerikane ka thënë se po heton raportet për një rrëzimin e një aeroplani në territorin e kontrolluar nga Talibanët në Afganistan. Oficeri amerikan Beth Riordan, zëdhënës i Komandës Qendrore të Ushtrisë amerikane në Lindjen e Mesme (CENTCOM), tha se nuk ishte e qartë se kush ishte përfshirë në aksident. Riordan nuk pranoi të komentojë më tej. Sidoqoftë, imazhet në mediat sociale të vendit të rrëzimit të avionit treguan ato mund të jenë mbetjet e një aeroplani bomberi E-11A, të cilin ushtria amerikane po e përdor për mbikëqyrje elektronike të Afganistanit, raporton sajti informativ Military Times.