Izraeli hakon SHBA-të?

FBI është duke hetuar rolin e ofruesit izraelit të logjistikës së spiunazhit NSO Group Technologies në hakimin e mundshëm kundër banorëve dhe bizneseve amerikane, si dhe në mbledhjen e informacionit qeveritar, sipas katër burimeve të njohur me hetimin.

Hetimi ishte duke u zhvilluar në vitin 2017, kur zyrtarë të Byrosë Federale të Hetimit po përpiqeshin të zbulonin nëse NSO mori kodin e nevojshëm nga piratë amerikanë për të infektuar telefonat inteligjentë, tha një person i intervistuar në disa raste vitin e kaluar nga FBI. Kompania NSO, me seli në Izrael, pretendon se ajo shet pajisje spiunazhi dhe ndihmën teknike të saj ekskluzivisht për qeveritë dhe se këto mjete përdoren për të ndjekur penalisht terroristë të dyshuar dhe kriminelë të tjerë. FBI kreu shumë intervista me ekspertë të industrisë së teknologjisë pasi Facebook ngriti një padi në tetor 2019 duke akuzuar NSO për shfrytëzimin e një të defekti në shërbimin e mesazheve WhatsApp të Facebook-ut për të hakuar mbi 1.400 përdorues, sipas dy personave që folën me agjentë të FBI ose zyrtarë të Departamentit të Drejtësisë të Shteteve të Bashkuara. Sipas Reuters, hetimet e FBI u përshpejtuan këtë muaj pasi menaxheri i përgjithshëm i Amazon.com, Jeff Bezos, tha këtë muaj se NSO i kishte siguruar Arabisë Saudite softuerin që ishte përdorur për të hakuar iPhone-in e Bezos. Përveç qeverive, gazetarët, aktivistët e të drejtave të njeriut dhe disidentët nga disa vende janë sulmuar duke përdorur spiunues të NSO, thonë studiuesit në Universitetin Citizen Lab të Torontos. Në fakt, spiunazhi izraelit kundër amerikanëve shkaktoi polemikë në shtator 2019. Tre ish zyrtarë të lartë të qeverisë amerikane i thanë revistës amerikane Politico se Uashingtoni kishte arritur në përfundimin se Tel Avivi ishte pas skandalit të instalimit të spyware për telefonat celularë jo larg Shtëpisë së Bardhë dhe vendndodhjeve të tjera të ndjeshme në kryeqytetin e SHBA. Sipas revistës, ndryshe nga të gjitha rastet e mëparshme të spiunimit të qeverive të huaja në tokën amerikane, administrata e Donald Trump jo vetëm që nuk e kritikoi Tel Avivin, por gjithashtu nuk i ndëshkoi izraelitët. Si rezultat, gjatë presidencës së Trump, pajisje të vogla spiune izraelite të quajtura "Stingray" u instaluan pranë Shtëpisë së Bardhë dhe ndërtesave të tjera të rëndësishme të qeverisë në Uashington. Një ish-zyrtar amerikan tha se pajisjet ishin instaluar ndoshta për të spiunuar Trumpin, këshilltarët e tij të lartë dhe ndihmësit e tjerë të afërt.