Vetëvrasjet misterioze të veteranëve britanikë

Veteranët e fushatave të kushtueshme ushtarake të Britanisë së Madhe në Afganistan po vetëvriten në një numër rekord.

Sipas gazetës Times, 14 ish anëtarë të ushtrisë kanë vrarë veten vetëm në dy muajt e fundit. Ministri i Mbrojtjes Johnny Mercer ka ngritur shqetësimin për nivelin  e vdekjeve në dy muajt e fundit dhe ka kërkuar një shërbim të ri të shëndetit mendor për ish ushtarët britanikë. Ky numër jashtëzakonisht i lartë shoqërohet nga fakti se të gjithë të vrarët janë pjesë e një "grupi të veçantë" i përfshirë në Operacionin Herrick, i cili udhëzoi të gjitha veprimet ushtarake britanike në Afganistan nga 2002 deri në 2014. Nëntorin e kaluar, ish-kreu i ushtrisë britanike, gjeneral Lord Dannatt, paralajmëroi se vetëvrasja midis veteranëve është bërë një "epidemi e kohës sonë". Ndërsa arsyet e sakta për nivelin e lartë të vetëvrasjeve janë kryesisht të panjohura, zhgënjimi me ushtrinë britanike në përgjithësi, dhe ndërhyrja e pakuptimtë ushtarake në Afganistan në veçanti, besohet të jenë faktorët kryesorë.