Vdes ish-sekretari i përgjithshëm i OKB-së

Ish-sekretari i përgjithshëm i Organizatës së Kombeve të Bashkuara, Javier Perez de Cuellar vdiq dje në moshën 100-vjeçare, konfirmoi Ministria e Jashtme e Perusë.

“Babai vdiq pas një jave të ndërlikuar, në orën 20:09 dhe tashmë po prehet në paqe”, tha djali i tij, Francisco Perez de Cuellar për kanalin RPP.

I lindur në Lima në vitin 1920, Perez de Cuellar shërbeu si sekretari i pestë i përgjithshëm i OKB-së në vitet 1982 dhe 1991, pas një karriere të gjatë diplomatike.

Në 1995, ai kandidoi për president në Peru, por u mposht nga presidenti në detyrë, Alberto Fujimori.

Pas kësaj u bë kryeministër dhe më pas, për një periudhë të shkurtër kohore në vitet 2000-2001, u bë ministër i Jashtëm.