Amerika modernizon armët bërthamore në Gjermani

Një e përjavshme gjermane raportoi se Shtetet e Bashkuara kishin modernizuar armët bërthamore amerikane në Gjermani në vjeshtën e vitit 2019 gjatë një operacioni të fshehtë.

Operacioni sekret u zhvillua në vjeshtën e vitit 2019, sipas Der Spiegel. Forcat Ajrore të Shteteve të Bashkuara kanë transportuar rreth 20 bomba me hidrogjen B61 nga Baza e Forcës Ajrore Büchel në Gjermaninë perëndimore në Shtetet e Bashkuara me avionë ushtarakë. Operacioni zgjati dy ditë. Sipas raportit, qeveria federale gjermane u informua për vendimin e SHBA vetëm në minutën e fundit, përpara fillimit të operacionit të transportit. Pa vonesë, trupat gjermane u vunë në gatishmëri për të shmangur çdo problem të mundshëm të shkaktuar gjatë transportit të këtyre armëve ultra të rrezikshme. "Për arsye sigurie", Departamenti i Mbrojtjes i Shteteve të Bashkuara nuk pranoi të komentojë detajet e transportit të këtyre sistemeve të armëve përtej Atlantikut. Bombat atomike (H) janë pjesë e arsenalit bërthamor të NATO-s, një pjesë e të cilave ruhen në bazën ajrore gjermane në Büchel. Ushtria gjermane ka përgatitur disa prej avionëve të saj të veçantë Tornado potencialisht për operacione "serioze" që duhet të kryhen me mbështetje të këtyre armëve bërthamore. Këta avionë "specialë" janë vendosur gjithashtu në bazën ajrore të Büchel. Ushtria gjermane mund t'i lëvizë këto armë me avionë në raste urgjente, por kodi i aktivizimit për këto armë është vetëm në duart e ushtrisë amerikane.