Rritet numri i viktimave nga koronavirusi në Amerikë

Sipas sajtit Worldmeteres, në 24 orët e kaluara në Amerikë janë regjistruar 808 viktima të tjera nga virusi korona duke e çuar totalin në 90 mijë e 978 njerëz.

Vetëm në 24 orët e kaluara në këtë vend janë regjistruar 18 mijë e 937 të infektuar të rinj, që në total e bën Amerikën vendin më të infektuar në botë me 1 milion e 527 mijë e 664 të infektuar me Covid-19. Deri tani në rang botëror janë infektuar 4 milion e 801 mijë e 875 njerëz me virusin korona prej të cilëve 316 mijë e 671 kanë humbur jetën ndërsa 1 milion e 858 mijë e 170 njerëz janë shëruar. Amerika vazhdon të jetë në krye të botës për nga numri i të infektuarve dhe viktimave nga Covid-19.