Avionët turq sulmojnë pozicionet e PKK në veri të Irakut

Ministria e mbrojtjes e Turqisë njoftoi nisjen e operacionit kundër pozicioneve të grupit PKK në veri të Irakut.

Ministria e Mbrojtjes Kombëtare e Turqisë ka njoftuar se forcat turke kanë filluar operacionin "Kthetra-Shqiponja" kundë terroristëve, transmeton Anadolu Agency (AA). "Ka filluar operacioni 'Kthetra-Shqiponja'. Avionët tanë po shkatërrojnë terroristët", shkroi Ministria turke e Mbrojtjes në llogarinë e saj në Twitter. Në këtë operacion janë angazhuar 31 avionë F-16 për të sulmar rajonet Kandil, Dari Makhmur dhe Cengal në Irak.