Trump përsërit kërcënimin për të ndërprerë lidhjet me Kinën

Presidenti amerikan Donald Trump ka përsëritur kërcënimin e tij për të ndërprerë marrëdhëniet me Kinën, duke thënë se Uashingtoni mund të ndjekë një "shkëputje të plotë nga" Pekini.

Kërcënimi i tij të enjten erdhi një ditë pasi Përfaqësuesi i Tregtisë amerikane Robert Lighthizer i tha Kongresit se ai nuk mendon se shkëputja e ekonomive amerikane dhe kineze ishte një opsion i vlefshëm. Por Trump, të cilin ish këshilltari i tij i sigurimit kombëtar John Bolton e akuzoi se ai u kishte thënë homologëve kinezë që ta ndihmojnë atë të fitojë rizgjedhjen duke blerë më shumë produkte të fermerëve amerikanë, tha në Twitter se "shkëputja" mbetet një opsion. "Nuk ishte faji i Ambasadorit Lighthizer (dje në Komitet), sepse mbase nuk e bëra të qartë, por SHBA me siguri ruan një opsion politik, nën kushte të ndryshme, të një shkëputjeje të plotë nga Kina," tha Presidenti republikan. Dy ekonomitë më të mëdha në botë kanë pasur kundërshtime të forta mbi trajtimin e pandemisë së Covid-19. Muajin e kaluar, Trump sinjalizoi një përkeqësim të mëtejshëm të marrëdhënieve, duke thënë se ai nuk ishte i interesuar të fliste me Presidentin Xi Jinping.