Қадрдонии СММ аз хадамоти Эрон ба паноҳандагон бо вуҷуди таҳримҳои Амрико

Порс-Тудей. Комиссари олии Созмони Милали Муттаҳид дар умури паноҳандагон, аз хадамоти Ҷумҳурии исломии Эрон дар заминаи саломат, омӯзиш ва кори паноҳандагон қадрдонӣ кард.

Филиппо Гранди, Комиссари олии Созмони Милали Муттаҳид дар умури паноҳандагон, дар дидор бо Муҳаммадризо Зафарқандӣ, вазири беҳдошт, дармон ва омӯзиши пизишкии Эрон, бо қадрдонӣ аз хадамоти шоёни Ҷумҳурии исломии Эрон ба паноҳандагон дар ҳавзаҳои мухталиф, аз ҷумла беҳдошт, саломат, омӯзиш ва кор гуфт: Ин хадамоти арзишманди Эрон бо вуҷуди таҳримҳо ва бархе мушкилоти иқтисодӣ, бисёр арзишманд аст.

Ба гузориши Порс-Тудей, вазири беҳдошт, дармон ва омӯзиши пизишкии Эрон ҳам дар ин дидор таъкид кард, ҳифзи саломати паноҳандагон як масъулияти байналмилалӣ аст, ки албатта набояд фақат мутаваҷҷеҳи кишвари мизбон бошад.

Муҳаммадризо Зафарқандӣ афзуд, бояд равишҳои муносиби моливу амалӣ дар сатҳи ҷаҳон барои кишварҳои мизбони паноҳандагон, ба вижаи Эрон тарроҳӣ ва тақвият шавад.

Бар асоси ин гузориш, Филиппо Гранди, Комиссари олии Созмони Милали Муттаҳид дар умури паноҳандагон қарор аст дар ояндаи наздик ба Теҳрон сафар кунад.

Эрон яке аз мизбонони аслии паноҳандагон дар ҷаҳон аст ва бо вуҷуди таҳримҳои Амрико ва чолишҳои иқтисодӣ, хадамоти густардае ба онҳо ироа медиҳад.

Мақомоти Созмони Милали Муттаҳид то кунун борҳо бо қадрдонӣ аз хадамоти Ҷумҳурии исломии Эрон ба паноҳҷӯён таъкид кардаанд, Эрон макотиб, донишгоҳҳо, бемористонҳо ва марзҳои худро ба рӯи паноҳандагон боз кардааст. Ба гунае ки ин афрод ҳамонанди мардуми Эрон аз ҳамаи мазоё бархӯрдор ҳастанд.

Вазири беҳдошт, дармон ва омӯзиши пизишкии Эрон барои ширкат дар ҳафтодуҳаштумин Маҷмаи умумии Созмони Ҷаҳонии Беҳдошт дар Женева ба сар мебарад.

Ҳафтодуҳаштумин иҷлоси ҷаҳонии солонаи Созмони Ҷаҳонии Беҳдошт бо шиори “Як ҷаҳон барои саломат” дар Женева дар ҳоли баргузорӣ буда ва ҳайате баландпоя аз низоми саломати Эрон ба раёсати вазири беҳдошт, дармон ва омӯзиши пизишкӣ, аз таърихи 29 урдибиҳиштмоҳ то 6 хурдоди 1404 (19 май то 27 май) дар ин иҷлос ҳузур дорад.

Дар ин нишаст мавзӯоти авлавиятдори беҳдоштӣ дар ҷаҳон дар қолаби аснод матраҳ ва мавриди баррасии аъзо қарор гирифта ва кишварҳои узви ин созмон перомуни ҳар санад эъломи назар хоҳанд кард.