Афзоиши чашмгири ҳузури занон дар мақомҳои мудириятӣ ва иҷроии Эрон

Порс Тудей - Муовини умӯри занону хонаводаи раиси Ҷумҳурии Исломии Эрон аз афзоиши чашмгири ҳузури занон дар мақомҳои мудириятӣ ва иҷроии кишвар хабар дод.

Ба гузориши Порс Тудей ба нақл аз хабаргузории Садо ва симо, Заҳро Беҳрӯзозар, муовини умури занону хонаводаи раиси Ҷумҳурии Исломии Эрон дар ташреҳи охирин вазъияти интисоботи занон дар сутӯҳи мухталифи мудириятии кишвар изҳор кард: Раиси Ҷумҳурии Исломии Эрон токунӯн 21 ҳукми интисоб барои занон дар масъӯлиятҳои мухталиф содир кардааст, аз ҷумла узвият дар кумитаҳои Шӯрои пайгирии қонӯни асосӣ ва раёсат бар созмонҳое монанди стандарт, хусӯсисозӣ ва ҳавошиносӣ, ки моҳияте комилан калидӣ ва асаргузор доранд.

Вай бо ишора ба теъдоди муовинони зани вазирон дар Эрон низ афзуд, дар ҳоли ҳозир 28 муовини вазири зан дар Эрон машғӯли фаъолият ҳастанд.

Муовини умӯри занону хонаводаи раисиҷумҳури Эрон ба омори ҳузури занон дар мудириятҳои маҳаллӣ ва қазоӣ ҳам ишора кард ва гуфт, имрӯз беш аз 3700 деҳёри зан, беш аз 16 шаҳрдори зан ва беш аз 1000 қозии зан дар Эрон фаъолият мекунанд.