Кӯмаки шаҳрванди саховатманд ба мумфарш шудани роҳи маҳаллааш
Октябр 04, 2018 16:52 Asia/Dushanbe
Дар ноҳияи Ашт як шаҳрванди саховатманд барои мумфарш кардани роҳи маҳаллааш беш аз 60 ҳазор сомонӣ масраф кард.
Ба гузориши дафтари матбуоти ҳукумати вилояти Суғд, Аҳмадҷон Алиматов, яке аз соҳибкорони аҳли маҳаллаи Бинокорони шаҳраки Шайдон барои мумфарш кардани роҳи ин маҳалла беш аз 60 ҳазор сомонӣ ҳазина кард.
Бар асоси ин гузориш, мумфарш кардани ин роҳ мутобиқи стандарти давлатӣ анҷом шудааст.
Раиси вилояти Суғд аз ин иқдоми сокинони маҳалла ва соҳибкор изҳори қаноатмандӣ кард ва гуфт, ки аз ҳисоби буҷаи мақомоти Суғд, боқимондаи роҳ, ки тақрибан як километр аст, мумфарш хоҳад шуд.