Минск мизбони иҷлоси Шӯрои вазирони хориҷаи ИДМ
Нишасти Шӯрои вазирони умури хориҷаи Иттиҳоди Давлатҳои Мустақил таҳти раёсати Тоҷикистон ва ба мизбонии Беларус дар Минск, пойтахти ин кишвар баргузор шуд.
Ба гузориши “Форс”, нишасти Шӯрои вазирони умури хориҷаи ИДМ таҳти раёсати Сироҷиддин Аслов, вазири умури хориҷаи Тоҷикистон дар Мински Беларус баргузор шуд.
Дар ҷараёни ин иҷлос раисони ниҳодҳои дипломатии кишварҳои Ҳамсуд масоили марбут ба таомулоти сиёсӣ, иқтисодӣ, иҷтимоӣ ва башардӯстона миёни кишварҳои узви ин иттиҳодияро мавриди баҳсу баррасӣ қарор доданд.
Ҳамчунин дар хусуси масоили муҳим дастури кори байналмилалӣ ва ҳамкорӣ дар чорчӯби ИДМ ба таври муфассал баҳсу табодули назар сурат гирифт.
Дар ҷараёни ин нишаст масоили марбут ба ҳамкории кишварҳои узв дар заминаи мубориза бо ҷурмҳои фанновариҳои иттилоотӣ, барномаи байнидавлатӣ иқдомоти муштарак дар заминаи муборизаи ҷурмҳо ва ғайра ҳамоҳанг шуданд.
Дар хусуси тамоми масоили марбут ба дастури кори рӯзи роҳи ҳаллҳои мавриди пазириши тамоми ширкаткунандагони ин нишаст, мавриди қабул қарор гирифт.
Иттиҳоди Давлатҳои Мустақил пас аз фурӯпоши Шӯравии собиқ шакл гирифт. Баёнияи таъсиси ин иттиҳодия дар 21 декабри 1991 дар Алмаато тавассути раҳбарони Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон, Туркманистон, Узбакистон ва Украина имзо шуд.
Узвияти Гурҷистон дар ин иттиҳодия ба думболи тасмими расмии раисони ҷумҳури кишварҳои узв дар 3 декабри 1993 ва ба думболи дархости Эдуард Шеварднадзе, раисиҷумҳури Гурҷистон дар 8 октябри 1993 сурат гирифт.