Дархости Путин барои ташкили бозори молии кишварҳои ИДМ
Раисҷумҳури Русия ташкили бозори молии муштаракро дар Иттиҳоди Давлатҳои Мустақил (Ҷомеаи Ҳамсуд) хостор шуд.
Ба гузориши хабаргузории “Спутник”, Владимир Путин, раисҷумҳури Русия дар нишасти кишварҳои узви ИДМ гуфт, кишварҳои ин иттиҳодия бояд худро аз хатарҳои пулӣ дар шароити ҷанги тиҷории кунунӣ ҳифз кунанд ва ба фикри ташкили бозори молии воҳид бошанд.
Путин рӯзи ҷумъаи 11 октябр дар нишасти Шӯрои ИДМ дар Ишқобод, бар зарурати иқдомоти тазминӣ дар баробари хатарҳои арзӣ, азҷумла истифода аз пулҳои миллӣ дар шароити ҷанги иқтисодии кунунӣ таъкид кард.
Раисҷумҳури Русия афзуд, бояд ҳамкорӣ дар заминаҳои пулиро тақвият кунем ва бар сиёсати пулии воҳид мутамаркиз шавем.
Гуфтаҳои Путин дар вокуниш ба сиёсати зиддитиҷории Доналд Трамп, раисҷумҳури Амрико ва низ таҳримҳои молии ин кишвар алайҳи кишварҳои мухолиф будааст.
