Эронда ҳалокатга учраган Туркия самолётнинг қора қутиси топилди

Эрон ғарбидаги Чаҳормаҳал ва Бахтиёрий вилоят ҳокими Курд шаҳрида Туркиянинг авиаҳалокатга учраган самолётининг қора қутиси топилгани ҳақида хабар берди.

Топилган қора қути текширув ишларини давом эттириш учун турк ҳукуматига топширилади. 

11 март куни Туркиянинг йўловчи самолёти Эроннинг ғарбий қисмида ҳалокатга учраган эди. Авиаҳалокат оқибатида 11 нафар фуқаро, шу жумладан, 3 нафар экипаж аъзолари ҳалок бўлганлиги хабар берилган эди.

Ҳозиргача олинган маълумотларга кўра, авиаҳалокатнинг барча қурбонлари жасадлари аниқланган. Фожеа — двигателда ёнғин келиб чиққани туфайли юз бергани айтилмоқда. Ҳалокат жойида 11 киши — 8 йўловчи ва 3 нафар экипаж аъзосининг куйган тана қолдиқлари топилган. 

Эрон Қизил яримой жамияти айни вақтда ўз мамлакати ҳудудида ҳалокатга учраган самолётнинг барча қурбонлари таналари аниқлангани ҳақида хабар берди.

Жамият барча 11 нафар қурбоннинг танаси мамлакат суд органларига юборилганини қўшимча қилган.

Қидирув-қутқарув операциясига бир неча махсус бригада, шунингдек, альпинистлар ва ўт ўчирувчилар жалб этилган. Самолёт бўлаклари денгиз сатҳидан 400-500 метр баландликда, деярли қоя қирғоғида топилди.

Ҳаво лайнери Бирлашган Араб Амирликларининг Шаржи шаҳридан Истанбулга рейсни амалга ошираётган бўлган. Авиаҳалокат Чаҳормаҳал ва Бахтиёрий вилоятида юз берган. Ерга келиб урилгандан сўнг ҳаво кемасида ёнғин содир бўлган.