Pars Today

Ҳазрати Аббос (а.с.)нинг муқаддас зиёратгоҳи бу йилги Арбаинда қатнашадиган зиёратчилар сонини 22 миллион киши деб эълон қилди.

Ал-Фрат Невс хабарига кўра, Ҳазрати Аббос (а.с.)нинг муқаддас зиёратгоҳи васийлиги бу йил Арбаин Ҳусайний (а.с)да 22 миллион 19 минг 146 киши иштирок этганини маълум қилди.

Ушбу ҳисоботга кўра, Арбаин Ҳусайний зиёратчиларни ҳисоблаш юқори сифатли ва аниқ камералар ёрдамида электрон ҳисоблаш тизими орқали амалга оширилади.

Бу хабарга кўра, бу камералар Карбало шаҳрининг кириш жойларига ўрнатилган ва уларнинг асосий вазифаси Арбаин Ҳусайний (а.с.) маросими иштирокчиларини санашдан иборат.

Ҳазрати Аббос (а.с.) зиёратгоҳининг алоқа ва ахборот технологиялари бўлими бошлиғи Фирас Аббос Ҳамза шундай деди:Зиёратчиларни санаш статистик жараёндир, лекин ўтган йиллардаги фаоллик туфайли Астан бу соҳада яхши тажрибага эга ва математик модель деб аталадиган нарсани ишлаб чиқди.

Мазкур хабарга кўра, зиёратчиларни санаш жараёни янги технология ва электрон тизим ёрдамида ушбу тизим билан ишлаш тажрибасига эга бўлган ушбу соҳага ихтисослашган техник гуруҳ назорати остида амалга оширилмоқда.

Бугун (чоршанба) ҳижрий 1445 йилнинг Муҳаррам ойининг 20-кунига, Имом Ҳусайн (а.с.) арбаинига тўғри келади. Шу мақсадда турли диний оқимларнинг миллионлаб тарафдорлари, жумладан шиа, сунний, халдей ва ашурий насронийлар Ироқ ва дунёнинг бошқа давлатларидан Карбалога саёҳат қилишган.