Москва ОМОНи Диего Марадонани танимади

Москва шаҳри махсус кучлари жангчилари афсонавий футболчи Диего Марадонани танишмай, “Лужники” стадиони автотураргоҳига киритишмади.

Марадона Россияда бошланган жаҳон чемпионатининг Россия ва Саудия Арабистони ўртасидаги илк учрашувига ташриф буюрган. Бироқ у стадиондан кетишда муаммога дуч келган, чунки автотураргоҳдаги машинаси олдига қўйилмаган.

Жаҳон чемпионатидан кейин Марадона Брестнинг “Динамо” клубида ишлай бошлайди. Собиқ футболчи яқинда Беларусь клубининг бошқарув раиси лавозимини олган.