Ишғол қилинган ерларда мисли кўрилмаган кескинлик; Сионистик режимнинг ниқобсиз юзи

Тел-Авив, Ҳайфа, Модиъин ва Беершеба шаҳарларида ўн минглаб одамлар Бенямин Нетаняху кабинетига қарши саккизинчи ҳафта кетма-кет норозилик намойиши ўтказди.

Бенямин Нетаняху бошчилигида сионистик режим тарихидаги энг экстремал диний ва ўнг қанот кабинетининг шаклланиши сионистик жамиятда мисли кўрилмаган ва кескин реакцияларга дуч келди. Ҳозиргача бу реакциялар шу қадар шиддатли бўлдики, ҳатто сионистик режимнинг сиёсий етакчилари ва ҳарбий қўмондонлари ҳам вазирлар маҳкамасини ағдариш учун турли норозилик кўринишларига чақиришди.

• Сионистлар суд тизимига ўзгартириш киритиш бўйича лойиҳага қарши парламент ёнида норозилик намойишларини ўтказишди(видео)

Босқин остидаги ҳудудларда рўй бераётган ҳозирги воқеаларнинг асосий илдизи ўнг қанот гуруҳ ва оқимларнинг ўзларининг экстремистик қарашлари асосида жамият ва ҳукуматни бошқаришга қаратилган ҳаракатларидан хавотирда. Бу экстремизм эндиликда суд ҳокимияти ваколатларини қисқартириш учун олиб борилаётган курашда намоён бўлмоқда.

Кнессет ва Вазирлар Маҳкамаси суд-ҳуқуқ ислоҳотларини амалга ошириш учун бирлашдилар. Ўтган ҳафта Кнессет (Сионистик режим парламенти) вазирлар маҳкамаси томонидан таклиф этилган биринчи суд-ҳуқуқ ислоҳоти лойиҳасини 63 овоз ва 47 қарши овоз билан тасдиқлади. Мазкур қонун лойиҳасига кўра, суд ҳокимиятининг, айниқса, судяларни тайинлашда ваколатлари қисқартирилиб, вазирлар маҳкамасининг ваколатлари оширилмоқда.

Нетаняху кабинети бу қонун лойиҳасини ислоҳотлар деб атайди, аммо танқидчилар буни суд тўнтариши деб атайди. Танқидчиларнинг фикрича, бу қонун лойиҳаси билан суд тизимининг мустақиллиги йўқ қилинади. Бошқа томондан, танқидчилар Нетаняху ва унинг кабинет аъзолари ушбу қонун лойиҳаси билан суд тизимидаги коррупция ва жиноий ишларни ёпишга ҳаракат қилмоқдалар, деб ҳисоблашади. Бу қарама-қаршилик сионистик режим вазирлар маҳкамасини ички инқирозга олиб келди.

Яна бир муҳим масала, ўн минглаб одамларнинг намойишлари ҳам сионистик режимдаги сиёсий тафовут нуқтаи назаридан баҳоланиши керак. Намойишчиларнинг илғорлари Нетаняхунинг сиёсий рақиблари, жумладан Яир Лапид ва Бенни Гантс. Шунинг учун бу норозилик намойишлари сиёсий мажбурлашнинг бир кўриниши ҳисобланади. Ҳаъартс газетасининг ёзишича, Нетаняҳу лойиҳасига қарши намойишлар давом этар экан, вазирлар суд тизимининг бош вазирни қобилиятсиз деб эълон қилишига тўсқинлик қилувчи лойиҳа тайёрламоқда.

Яна бир муҳим жиҳат шундаки, бу норозилик намойишлари босиб олинган ҳудудлардаги тартибсиз ва заиф сиёсий ва хавфсизлик вазиятидан далолат беради, шу сабабли фуқаролар уруши бошланишидан хавотирлар ҳам кучайган. Босиб олинган ҳудудлардаги норозилик намойишлари тартибсизликлар ва тўқнашувларга айланиб кетди. Шу муносабат билан намойишчилар кўчаларда ўт ёқиб, кўчаларни тўсиб қўйган, полиция ўнлаб одамларни ҳибсга олган. Нетаняху ўз баёнотларида мухолифатни мушти билан орқага қайтаришга урғу берди ва Меҳнат партияси ҳам бу баёнотлари учун бу режим бош вазирини судга берди.

Шу боис норозиликларнинг яққол сабаби Нетаняху вазирлар маҳкамасининг суд-ҳуқуқ ислоҳотларини ўтказиш тўғрисидаги қарори бўлса, асл сабаб сионистик режимнинг экстремизм томон ҳаракати бўлиб, танқидчилар фикрича, бу сионистик режимнинг мавжудлигига таҳдид солади. Бугунги кунда ишғол қилинган ҳудудларда сионистик режимнинг ниқобсизсиз ва бўянишсиз юзини кўриш мумкин.

• Минглаб сионистлар Бош вазир Нетаняҳуга қарши намойишларга чиқишди(видео)