Абдуссалом: Саудия Арабистони Яманга ҳужумларни кучайтириш оқибатлари учун жавобгардир
Ансораллоҳ ҳаракати матбуот котиби ва Яман музокаралар ҳайъати раҳбари огоҳлантирди: Саудия Арабистони Яманга ҳужумларни кучайтириш оқибатлари учун жавобгардир.
ParsToday хабар беришича, Ансораллоҳ ҳаракати матбуот котиби ва Яман музокаралар ҳайъати раҳбари Муҳаммад Абдуссалом «Икс» ижтимоий тармоғидаги постида шундай ёзди: 2015 йилдаги тажовуз ва Саудия Арабистони ҳукумати дуч келган кетма-кет мағлубиятлардан сўнг, у яна бир бор расман тажовуз ва қамални кучайтиришини эълон қилди.
У қўшимча қилди: Риёз ўтган йилларда тажовуз ва қамал ҳолатини сақлаб қолишга қилган муваффақиятсиз уринишларидан сўнг ҳамда ҳануз орқа парда ортидан барча тафсилотларни назорат қилиб турган бир пайтда, бугун ўзининг тарғибот кампанияларидаги мағлубиятлар босими остида Яманга қарши тажовузнинг олдинги сафида иштирок этишга мажбур бўлди.
Абдуссалом сўзида давом этиб, шундай деди: Саудия ўнлаб жиноятларни содир этди ва бугун Саудия ҳукумати тажовузига учраган бир нечта вилоятларда турар-жой ҳудудлари ва шаҳар маҳаллаларини бомбардимон қилиш орқали буни кўрдик.
У таъкидлади: Шунинг учун Саудия Арабистони ушбу ҳаракатларнинг барча масъулияти ва оқибатларини ўз зиммасига олиши кераклигини эълон қиламиз.
Бу баёнот Яман Қуролли кучлари ва Саудия Арабистони томонидан қўллаб-қувватланадиган кучлар ўртасидаги тўқнашувлар Яманнинг айрим ҳудудларида, айниқса Таиъз ўқи бўйлаб кучайганидан сўнг берилди.
Ушбу тўқнашувлар Яман Қуролли кучларининг олдинга силжиши ва Саудияга қарам кучларнинг бир нечта ҳудуддан чекиниши билан бирга кечди.
