Арабистон ҳарбийлари ал-Авомия шаҳрига қарата ҳужумларини давом эттирмоқда

Саудия арабистони ҳарбийлари Арабистон шарқидаги ад-Дейра маҳалласига қарата ҳужум қилишди

Саудия арабистони ҳарбийларининг ушбу мамлакатнинг шарқидаги ал-Авомия шаҳрига ва ал-Масура қишлоғига қарата ҳужумлари ҳамда аҳоли турар жойларига, мактабларга, масжидларга ўт қўйиш ва бузиб ташлаш ҳаракатларининг бошланишига икки ҳафта ўтишига қарама, ушбу ҳужумлар халқаро ҳамжамиятнинг сукут сақлаши ортидан яна давом этмоқда. Форс ахборот агентлиги тарқатган хабарга кўра, чоршанба куни эрта тонгдан Саудия арабистони ҳарбийлари Арабистон шарқидаги ад-Дейра маҳалласига қарата ҳужум қилишди ва ушбу минтақа аҳолисининг уйларини турли портловчи моддалар билан нишонга олишди ва ўт қўйишди. Натижада эса, ушбу маҳалланинг тижорат марказида кучли ёнғин келиб чиқди ва фуқаролик мудофааси марказининг берк бўлганлиги боис, ушбу ёнғинни ўчиришни имкони бўлмади. Шу билан бирга, қадимий ал-Масура қишлоғида ҳам Саудия ҳарбийлари зирҳли автомобиллар билан ва тўхтовсиз отишмаларни амалга ошириб Шайх Немрнинг илмий даргоҳини бузиб ташлашди.